Нарадзіўся 21.10.1944, г. Баку, Азербайджан. Спецыяліст у галіне тэхнічнай кібернетыкі. Доктар тэхнічных навук (1991), прафесар (1992).

Адукацыя: Азербайджанскі політэхнічны інстытут (спецыяльнасць "Матэматычныя і лічыльна-рашаючыя прыборы і ўстройствы", 1967), Інстытут тэхнічнай кібернетыкі АН БССР (аспірантура, 1974).

Навуковыя інтарэсы: лічбавая апрацоўка сігналаў; распазнаванне вобразаў і апрацоўка відарысаў; ідэнтыфікацыя сістэм; паралельныя архітэктуры для лічбавай апрацоўкі сігналаў і відарысаў; сістэмы штучнага інтэлекту.

Месца работы, пасада: Азербайджанскі дзяржаўны праектны інстытут "Азгоспромпроект" (1967–1970), Аб'яднаны інстытут праблем інфарматыкі НАН Беларусі (1971–2015, лабараторыя ідэнтыфікацыі сістэм, у 1994–2015 – загадчык лабараторыі), адначасова Беларускі дзяржаўны ўніверсітэт інфарматыкі і радыёэлектронікі (з 1995, кафедра электронных вылічальных машын, прафесар).

Узнагароды: Дзяржаўная прэмія Рэспублікі Беларусь (2002); граматы НАН Беларусі, ВАК Рэспублікі Беларусь, Міністэрства адукацыі Рэспублікі Беларусь.

Памёр 15.03.2015.