Безбародаў Міхаіл Аляксеевіч, доктар тэхнічных навук, хімічная тэхналогія

Дата нараджэння: 14.11.1898

Дата смерці: 03.02.1983

Імёны на іншых мовах: Bezbarodaŭ Mihail Alâkseevič (не вызначана); Bezborodov Mihail Alekseevič (не вызначана);

Нарадзіўся 14.11.1898, г. Санкт-Пецярбург, Расія. Спецыяліст у галіне тэхналогіі сілікатных і тугаплаўкіх неметалічных матэрыялаў. Доктар тэхнічных навук (1938), прафесар (1934). Акадэмік АН БССР (1950, член-карэспандэнт з 1947).

Адукацыя: Петраградскі тэхналагічны інстытут (1923).

Навуковыя інтарэсы: фізічная хімія шкла і сілікатаў; сінтэз неарганічнага шкла; узнікненне дэфектаў у шкле і метады іх папярэджання; хімічная ўстойлівасць шкла; хімічны састаў старажытнага і сярэдневяковага шкла, яго датаванне і лакальная прыналежнасць.

Месца працы, пасада: Дзяржаўны фарфоравы завод імя М. В. Ламаносава (г. Ленінград), электралямпавы завод "Светлана" (г. Ленінград), Ленінградскі хіміка-тэхналагічны інстытут (з 1931, асістэнт), Прамысловая акадэмія (з 1933, дацэнт, прафесар), Фізіка-тэхнічны інстытут Туркменскага філіяла АН СССР (1942–1946, дырэктар), Беларускі політэхнічны інстытут (1935–1961, кафедра шкла і сілікатаў, у 1935–1941 і 1945–1961 – загадчык кафедры, 1957–1961 – загадчык праблемнай лабараторыі шкла і сілікатаў), адначасова Інстытут агульнай і неарганічнай хіміі АН БССР (1957–1961, загадчык лабараторыі фізічнай хіміі шкла і сілікатаў).

Узнагароды: Дзяржаўная прэмія СССР (1951), ордэн "Знак Почета" (1945, 1948) і інш.

Памёр 03.02.1983.