Нарадзіўся 10.10.1923, в. Хутар, Чэрвеньскі раён, Мінская вобласць. Філосаф, гісторык. Доктар філасофскіх навук (1967), прафесар (1967). Член-карэспандэнт АН БССР (1972). Удзельнік Вялікай Айчыннай вайны. Дэпутат Вярхоўнага Савета Беларускай ССР (1975–1980).

Адукацыя: Вышэйшая партыйная школа пры ЦК КПБ (1948), Беларускі дзяржаўны ўніверсітэт (1949; аспірантура, 1953).

Навуковыя інтарэсы: гісторыя КПСС; праблемы міжнароднага рабочага і камуністычнага руху; барацьба КПСС супраць рэвізіянізму і рэфармізму.

Месца працы, пасада: Беларускі дзяржаўны музей гісторыі Вялікай Айчыннай вайны (1944–1946), газета "Правда" (з 1948, карэспандэнт па Беларускай ССР), газета "Звязда" (1949–1950, літаратурны супрацоўнік), Беларускі дзяржаўны ўніверсітэт (з 1953, кафедра гісторыі КПСС, з 1962 – загадчык кафедры, у 1972–1978 – рэктар).

Узнагароды: званне "Заслужаны дзеяч навукі Беларускай ССР", ордэны Айчыннай вайны 1-й ступені (1949), Працоўнага Чырвонага Сцяга (1967, 1976) і інш.

Памёр 22.12.1981.