Адным з вядомых прадстаўнікоў Полацкай школы дойлідства ХІІ ст. з’яўляўся майстар-будаўнік Іаан.

На падставе гістарычных крыніц даследчыкі лічаць, што ён быў манахам аднаго з полацкіх манастыроў і адначасова кіраваў працай будаўнічых арцеляў, якія выконвалі значныя будаўнічыя работы ў Полацкім княстве. Верагодна Іаан удзельнічаў у стварэнні некалькіх мураваных храмаў Бельчыцкага Барысаглебскага манастыра (пачатак ХІІ – пачатак ХІІІ ст.). Паміж 1143–1161 гг. (па іншых крыніцах паміж 1128–1156 гг.) ён па заказе ігуменні Спаса-Ефрасіннеўскага манастыра Ефрасінні Полацкай пабудаваў у ім саборны храм – Спаса-Праабражэнскую царкву, якая з’яўляецца адзінай захаванай да цяперашняга часу пабудовай полацкага манументальнага дойлідства XII ст.

Матэрыял падрыхтаваны ў 2022 г.