Гаўрыленка Яўген Міхайлавіч

Дата нараджэння: 05.04.1951 Гомель, г.

Кароткая даведка: спартсмен (лёгкая атлетыка, бег на 400 м з перашкодамі), майстар спорту СССР міжнароднага класа, бронзавы прызёр ХХІ Алімпійскіх гульняў (1976, Манрэаль), чэмпіён (1972, 1974, 1976) і рэкардсмен СССР (1976) і Беларусі (1971, 1972)

Імёны на іншых мовах: Гавриленко Евгений Михайлович (руская);

Яўген Міхайлавіч Гаўрыленка нарадзіўся ў Гомелі. Падлеткам захапіўся лёгкай атлетыкай. Пасля заканчэння школы вучыўся на факультэце фізічнай культуры Гомельскага дзяржаўнага ўніверсітэта імя Ф. Скарыны (1968–1973), займаўся ў заслужанага трэнера БССР Рамана Рыгоравіча Розенберга. У 1968 г. выканаў нарматыў майстра спорту СССР, праз два гады стаў майстрам спорту міжнароднага класа.

Яўген Гаўрыленка быў пераможцам маладзёжнага першынства Еўропы, тройчы станавіўся прызёрам юнацкіх першынстваў СССР, двойчы – маладзёжных. На пачатку 1970-х гг. чатыры разы быў рэкардсменам Беларусі, двойчы станавіўся рэкардсменам СССР.

Выбітны спартсмен тройчы станавіўся чэмпіёнам СССР (1972, 1974, 1976), у 1974 г. стаў бронзавым прызёрам чэмпіянату Еўропы. Вяршыняй спартыўнай кар’еры Яўгена Гаўрыленкі стаў бронзавы медаль ХХІ Алімпійскіх гульняў, якія адбываліся ў нямецкім Мюнхене (1976).

Спартыўныя дасягенні Яўгена Міхайлавіча Гаўрыленкі былі адзначаны медалём “За працоўную адзнаку”, Ганаровай граматай Вярхоўнага Савета БССР, граматамі Спорткамітэта СССР і БССР, Гомельскага аблвыканкама.

Матэрыял падрыхтаваны Гомельскім аддзяленнем ГА “ВФКіС” у 2013 г.