Кідальніца дыска, заслужаная майстар спорту Беларусі Ірына Васільеўна Ятчанка нарадзілася ў р. п. Касцюкоўка Гомельскага раёна. Падрыхтоўку праходзіла ў трэнераў А.Т. Гарунова, Р.М. Чарыева, У.І. Сяўцова. Была неаднаразовым прызёрам чэмпіянатаў СССР, уладальніцай кубка Беларусі (1996), прызёрам шматлікіх міжнардных турніраў. У перыяд 1992–2008 гг. удзельнічала ў пяці летніх Алімпійскіх гульнях запар. Лепшыя вынікі І.В. Ятчанка стала дэманстраваць ва ўзросце пасля трыццаці гадоў: у 2000 г. у Сіднэі і ў 2004 г. у Афінах (*) яна стала бронзавым прызёрам летніх Алімпійскіх гульняў, у 2003 г. у Парыжы заваявала тытул чэмпіёнкі свету, у 2004 г. стала ўладальніцай лепшага выніку сезону ў свеце па кіданні дыска з асабістым рэкордам у 69 м 14 см.

Матэрыял падрыхтаваны ў 2017 г.

(*) У 2012 г. спартсменка была абвінавачана ў выкарыстанні допінгу і дыскваліфікавана: патрабавалі вярнуць бронзавы медаль за 2004 г.