Ландшафтны заказнік рэспубліканскага значэння “Прылепскі” быў створаны ў Мінскім раёне ў 2000 г. Мэтай заснавання стала зберажэнне ў натуральным стане ландшафтных комплексаў з высокаўзроставымі хваёвымі лясамі, рэдкімі відамі раслін і жывёл.

Ахоўная тэрыторыя плошчай 3,2 тыс. га размешчана ў межах Мінскага ўзвышша. Рэльеф уяўляе сабой сукупнасць шырокахвалістых водна-ледавіковых урочышчаў з камавымі і марэннымі ўзгоркамі, лагчын, далін, вярховых і пераходных балот. Лясы з хвоі, елкі, бярозы і асіны пакрываюць 90% тэрыторыі. У межах прыроднага комплексу ўстаноўлены рост 428 відаў сасудзістых раслін. Шмат гаспадарча-карысных відаў: валяр’ян лекавы, вясёлка звычайная, ажыны, парэчкі, суніцы і інш. Сярод рэдкіх відаў сустракаюцца гарлянка пірамідальная, купальнік горны, пярэсна еўрапейская, пылкагалоўнік чырвоны, лілея кучаравістая, кураслеп лясны, шпажнік чарапіцавы. У складзе фаўны зарэгістравана 118 відаў пазваночных жывёл, з якіх зялёны дзяцел і шэры саракуш занесены ў Чырвоную кнігу Рэспублікі Беларусь.

Заказнік з’яўляецца аб’ектам экалагічнага турызму. Па яго тэрыторыі пракладзена экалагічная сцежка, праводзяцца экскурсіі.

Матэрыял падрыхтаваны ў 2023 г.