Барысаўскі завод зборнага жалезабетону заснаваны ў 1962 г. на базе растворазмяшальнага вузла будаўнічага трэста № 21. З 1990 г. – малое прадпрыемства, з 1994 г. – Адкрытае акцыянернае таварыства «Завод зборнага жалезабетону» (створана шляхам пераўтварэння малога прадпрыемства «Жалезабетон» у ААТ).

Асноўны напрамак дзейнасці завода – выраб бетонных і жалезабетонных будаўнічых канструкцый, вытворчасць бетонарастворных сумесей, зварной арматуры. Прадпрыемства выпускае наступныя віды прадукцыі: зборны жалезабетон, сцянныя блокі, неарміраваныя бетонныя вырабы, бетон таварны, раствор таварны, арматурныя і дэкаратыўныя металічныя вырабы.

Сёння ў складзе завода вылучаюца фармовачныя ўчасткі па вытворчасці зборных жалезабетонных і бетонных вырабаў і канструкый, арматурны, растворабетонны, будаўніча-гаспадарчы, асфальтабетонны і транспартны ўчасткі.

Асноўнымі спажыўцамі прадукцыі ААТ «Завод зборнага жалезабетону» з'яўляецца будаўнічыя арганізацыі Барысава і Барысаўскага раёна, Жодзіна, Крупак, Беразіно, а таксама прыватныя асобы і арганізацыі ўсіх формаў уласнасці.

Матэрыял падрыхтаваны Мінскай абласной бібліятэкай імя А.С. Пушкіна ў 2013 г.