Далгаполава Алена Ерамееўна нарадзілася 25 жніўня 1968 г. у Мінску. Скончыла Мінскі інстытут культуры (спецыяльнасць "бібліятэказнаўства і бібліяграфія", 1990), Беларускі ўніверсітэт культуры (аспірантура, спецыяльнасць "бібліятэказнаўства і бібліяграфія", 1999).

У 1991–1996 гг. працавала бібліятэкарам і бібліёграфам ў Мінскім інстытуце культуры. З 1996 г. – дырэктарам Заслаўскай гарадской цэнтралізаванай бібліятэчнай сістэмы.

З 1999 г. – у Нацыянальнай бібліятэцы Беларусі (вядучы бібліятэкар, галоўны бібліятэкар, загадчык аддзела). У 2004–2010 гг. – намеснік дырэктара па інфармацыйна-бібліятэчным абслугоўванні. З 2011 г. – першы намеснік дырэктара па абслугоўванні карыстальнікаў і ідэалогіі.

Навуковыя інтарэсы: інфармацыйнае забеспячэнне маркетынга; інфармацыйна-бібліятэчнае абслугоўванне.