Нарадзіўся 04.01.1952, гар. пас. Стрэшын, Жлобінскі раён, Гомельская вобласць. Мовазнавец, паэт, публіцыст, перакладчык. Доктар філалагічных навук (2003), прафесар (1993). Член Саюза пісьменнікаў Беларусі (1996).

Адукацыя: Мазырскі дзяржаўны педагагічны інстытут імя Н. К. Крупскай (спецыяльнасць "Беларуская мова і літаратура", 1973), Інстытут мовазнаўства АН БССР (аспірантура, спецыяльнасць "Беларуская мова", 1978).

Навуковыя інтарэсы: сучасная беларуская мова; мова беларускай мастацкай літаратуры; беларуская дыялектная анамастыка.

Месца працы, пасада: Магілёўскі дзяржаўны ўніверсітэт імя А. А. Куляшова (з 1978, факультэт славянскай філалогіі, кафедра беларускай мовы, прафесар, у 1983–2013 – загадчык кафедры).

Узнагароды: медаль Францыска Скарыны (2002), званне "Заслужаны работнік адукацыі Рэспублікі Беларусь" (2014).

Памёр 29.03.2016.

Крыніца інфармацыі – анкета вучонага