Нарадзіўся 26.04.1946, г. Мінск. Спецыяліст у галіне матэрыялазнаўства, парашковай металургіі, зваркі, тэхналогіі машынабудавання. Доктар тэхнічных навук (1988), прафесар (1990). Заслужаны дзеяч навукі Рэспублікі Беларусь (2001).

Адукацыя: Беларускі політэхнічны інстытут (1969).

Навуковыя інтарэсы: порыстыя і капілярна-порыстыя парашковыя матэрыялы з заданымі ўласцівасцямі і тэхналогія атрымання вырабаў на іх аснове; новыя зварачныя матэрыялы; метады дыягностыкі і кантроль якасці зварных злучэнняў.

Месца працы, пасада: Беларускі навукова-вытворчы канцэрн парашковай металургіі (з 1972), НДІ парашковай металургіі (з 1995, намеснік дрэктара), НДІ зваркі і ахоўных пакрыццяў (з 1996, дырэктар, з 2000 – намеснік генеральнага дырэктара, з 2002 – генеральны дырэктар), Беларускі нацыянальны тэхнічны ўніверсітэт (з 2005, машынабудаўнічы факультэт, кафедра "Тэхналогія машынабудавання", загадчык кафедры). Інфармацыя на 2015.

Узнанароды: прэмія Ленінскага камсамола Беларусі (1978), Дзяржаўная прэмія БССР (1980).

Крыніца інфармацыі – анкета вучонага