Нарадзіўся 21.11.1939, г. Масква, Расія. Спецыяліст у галіне машынабудавання. Доктар тэхнічных навук (1997), прафесар (1998). Член Пастаяннай камісіі IFToMM (Міжнароднай федэрацыі па тэорыі механізмаў і машын), старшыня конкурснай камісіі Рэспубліканскага конкурсу студэнцкіх НДР па секцыі "Машынабудаванне і прыборабудаванне. Механіка машын, надзейнасць і бяспека тэхнічных сістэм. Навуковыя асновы і метады неразбуральнага кантролю і тэхнічнай дыягностыкі".

Адукацыя: Беларускі політэхнічны інстытут (спецыяльнасць "Тэхналогія машынабудавання, металарэзныя станкі і інструменты", 1962).

Навуковыя інтарэсы: удасканаленне працэсаў вырабу і эксплуатацыі высоканагружаных зубчастых перадач транспартных і рабочых машын.

Месца працы, пасада: Мінскі маторны завод (1962–1964, інжынер-тэхнолаг), Беларускі нацыянальны тэхнічны ўніверсітэт (з 1964, машынабудаўнічы факультэт, кафедра "Тэарэтычная механіка", прафесар). Інфармацыя на 2014.

Крыніца інфармацыі – анкета вучонага