Нарадзіўся 06.05.1944, в. Жытомля, Скідзельскі раён, Гродзенская вобласць. Геамарфолаг, ландшафтазнавец. Доктар геаграфічных навук (1998).

Адукацыя: Беларускі дзяржаўны ўніверсітэт (спецыяльнасць "Геаграфія", 1967), Беларускі навукова-даследчы геолагаразведачны інстытут (аспірантура, спецыяльнасць "Фізічная геаграфія, геахімія і геафізіка ландшафтаў", 1976).

Навуковыя інтарэсы: дыстанцыйная ландшафтная індыкацыя; тэматычнае картаграфаванне.

Месца працы, пасада: Беларускі навукова-даследчы геолагаразведачны інстытут (1967–1980), Інстытут праблем выкарыстання прыродных рэсурсаў і экалогіі НАН Беларусі (1981–2003), Беларускі дзяржаўны ўніверсітэт (з 2003, геаграфічны факультэт, кафедра геадэзіі і картаграфіі, дацэнт, у 2003–2013 – загадчык кафедры). Інфармацыя на 2017.

Узнагароды: прэмія АН Беларускай ССР (1990).

Крыніца інфармацыі – анкета вучонага