Нарадзіўся 29.07.1959, г. Светлагорск, Гомельская вобласць. Спартсмен (мнагаборства), педагог, спецыяліст у галіне тэорыі і методыкі фізічнага выхавання, спартыўнай трэніроўкі. Кандыдат педагагічных навук (2018), дацэнт (2013). Майстар спорту СССР па марскому мнагаборству, суддзя вышэйшай нацыянальнай катэгорыі.

Адукацыя: Беларускі дзяржаўны інстытут фізічнай культуры (спецыяльнасць "Фізічнае выхаванне", 1980; аспірантура, 1989).

Навуковыя інтарэсы: навукова-практычныя аспекты кіравання ў сістэме падрыхтоўкі спартсменаў; адбор у спорце, прафесійны адбор; прафесійна-прыкладная фізічная падрыхтоўка.

Месца працы, пасада: Беларускі дзяржаўны ўніверсітэт фізічнай культуры (з 1980, спартыўна-педагагічны факультэт масавых відаў спорту, кафедра спартыўна-баявых адзінаборстваў і спецпадрыхтоўкі, прафесар, з 1995 – загадчык кафедры, у 1993–1995 – намеснік дэкана факультэта масавых відаў спорту, факультэта аздараўленчай фізічнай культуры і турызму).

Узнагароды: Падзяка Прэзідэнта Рэспублікі Беларусь (2007), нагрудны знак "За развіццё фізічнай культуры і спорту ў Рэспубліцы Беларусь" (2009).

Памёр 27.01.2020.

Крыніца інфармацыі – анкета вучонага