Нарадзіўся 23.05.1976, г. Віцебск. Паразітолаг. Доктар біялогічных навук (2011), кандыдат ветэрынарных навук (2003), прафесар (2013).

Адукацыя: Віцебская дзяржаўная акадэмія ветэрынарнай медыцыны (спецыяльнасць "Ветэрынарыя", кваліфікацыя "Ветэрынарны ўрач", 1998; аспірантура, 2001; дактарантура, 2009), Міжнародны інстытут менеджменту (спецыяльнасць "Міжнародныя эканамічныя адносіны", кваліфікацыя "Эканаміст-менеджар", 2000).

Навуковыя інтарэсы: паразіты і паразітарныя хваробы жывёл і чалавека; экалогія дзікіх жывёл; ветэрынарная медыцына; методыка выкладання заалогіі, паразіталогіі, экалогіі.

Месца работы, пасада: Віцебская дзяржаўная акадэмія ветэрынарнай медыцыны (з 2001; факультэт ветэрынарнай медыцыны, кафедра паразіталогіі, асістэнт, кафедра заалогіі, асістэнт, дацэнт, 2001–2006; у 2005–2006 – намеснік дэкана факультэта; у 2009–2012 – кафедра заалогіі, дацэнт, з 2015 – прафесар кафедры; у 2009–2010 – начальнік навуковага аддзела, 2010–2012 – прарэктар па навуковай рабоце, 2012–2014 – першы прарэктар). Інфармацыя на 2019.

Узнагароды: ганаровыя граматы Дэпартамента ветэрынарнага і харчовага нагляду Міністэрства сельскай гаспадаркі і харчавання Рэспублікі Беларусь (2011), Міністэрства сельскай гаспадаркі і харчавання Рэспублікі Беларусь (2013); прэмія Віцебскага абласнога выканаўчага камітэта (2010) і інш.

Крыніца інфармацыі – анкета вучонага