Нарадзіўся 20.05.1935, в. Старынка, Мсціслаўскі раён, Магілёўская вобласць. Філосаф. Кандыдат філасофскіх навук (1977).

Адукацыя: Мсціслаўскае педагагічнае вучылішча (1953), Мінская вышэйшая партыйная школа (аддзяленне журналістыкі, 1964), Мінскі дзяржаўны педагагічны інстытут імя А. М. Горкага (аспірантура).

Навуковыя інтарэсы: сацыяльная філасофія.

Пазапрафесійная дзейнасць: літаратурная творчасць (паэт).

Месца працы, пасада: Ветрынскі дзяцячы дом (Быхаўскі раён; выхавацель), газеты Быхаўскага і Шклоўскага раёнаў (літаратурны работнік), Ленінскі раённы камітэт КПБ г. Мінска (загадчык аддзела прапаганды і агітацыі), выдавецтва "Вышэйшая школа" (рэдактар), газета "Мінская праўда" (загадчык ідэалагічнага аддзела), часопіс "Политинформатор и агитатор" (адказны сакратар), Беларускі ўніверсітэт культуры (дацэнт філасофіі, у 1979–1985 – дэкан факультэта бібліятэказнаўства і бібліяграфіі).

Загінуў у аўтакатастрофе 14.10.1994.