Нарадзілася 10.10.1901 (28.09.1901 па ст. ст.), г. Тула, Расія. Спецыяліст у галіне генетыкі і селекцыі сельскагаспадарчых жывёл. Кандыдат сельскагаспадарчых навук (1939), прафесар (1935).

Навуковыя інтарэсы: генетыка і генагеаграфія буйной рагатай жывёлы.

Адукацыя: Маскоўскі вышэйшы заатэхнічны інстытут (кваліфікацыя "Аграном-заатэхнік", 1926).

Месца працы, пасада: Цэнтральная станцыя па генетыцы сельскагаспадарчых жывёл (Маскоўская вобласць, 1926–1928), Цэнтральная станцыя па каняводству (Маскоўская вобласць, 1929–1930), Маскоўскі інстытут свінагадоўлі (1930), Арэнбургскі сельскагаспадарчы інстытут (1931–1935), Варонежскі заатэхнічна-ветэрынарны інстытут (1935–1941), Ульянаўскі сельскагаспадарчы інстытут (1942–1948), Калінінградскі дзяржплемтрэст (1948–1951), Калінінградскае абласное ўпраўленне сельскай гаспадаркі і нарыхтовак (1952–1953), Віцебскі ветэрынарны інстытут (1953–1981, кафедра генетыкі і развядзення сельскагаспадарчых жывёл, у 1953–1974 – загадчык кафедры).

Узнагароды: званне "Заслужаны дзеяч навукі Беларускай ССР" (1971) і інш.

Памерла 31.03.1986.