Нарадзіўся 01.05.1934, г. Гомель. Інжынер-металург, хімік-аналітык, спартсмен, трэнер (спартыўны турызм). Кандыдат хімічных навук (1965).

Адукацыя: Маскоўскі інстытут каляровых металаў і золата (1957), Уральскі дзяржаўны ўніверсітэт (аспірантура), Беларускі дзяржаўны інстытут фізічнай культуры (1990).

Навуковыя інтарэсы: аналітычная хімія; спектральны аналіз рэдказямельных элементаў; распрацоўка і ўдасканаленне сістэмы падрыхтоўкі спецыялістаў сферы спартыўнага і рэкрэацыйнага турызму; праблемы спартыўнага і рэкрэацыйнага турызму.

Месца працы, пасада: Расія (Урал; 1957–1964), АН БССР (1964–1972), Беларускі дзяржаўны інстытут фізічнай культуры (у 1972–1978 – дацэнт кафедры ГПА, турызму і вяслярнага спорту, 1984–1990 – кафедры арганізацыі масавай фізкультурна-аздараўленчай работы і турызму), Бюро спартыўнага і прыгодніцкага турызму (Мінск; 1990–1995, кіраўнік), Навукова-даследчы інстытут фізічнай культуры і спорту Рэспублікі Беларусь (з 1998, загадчык лабараторыі спартыўнага турызму).

Узнагароды: званні "Майстар спорту СССР па турызму" (1972), "Заслужаны падарожнік Расіі" (2002), нагрудныя знакі "За заслуги в развитии детско-юношеского туризма" (Расія), "За заслугi ў развiццi фiзiчнай культуры i спорту ў Рэспублiцы Беларусь" і інш.

Памёр 29.04.2018.