Нарадзіўся 15.08.1927, в. Іванава, Бешанковіцкі раён, Віцебская вобласць. Урач-хірург. Доктар медыцынскіх навук (1968), прафесар (1970).

Адукацыя: Магілёўская фельчарска-акушэрская школа (1951), Віцебскі дзяржаўны медыцынскі інстытут (1957), Інстытут сардэчна-сасудзістай хірургіі АМН СССР (аспірантура, 1962).

Навуковыя інтарэсы: патагенез і хірургічнае лячэнне язвавай хваробы страўніка, дванаццаціперснай кішкі, жоўцевых шляхоў і печані.

Месца працы, пасада: Бешанковіцкая раённая бальніца (1957–1959, урач-хірург), Цэнтральны інстытут удасканалення ўрачоў (Масква, 1962–1966, асістэнт кафедры аперацыйнай хірургіі і тапанатоміі), Віцебскі дзяржаўны медыцынскі інстытут (1966–1967, кіраўнік Цэнтральнай навукова-даследчай лабараторыі), Гродзенскі дзяржаўны медыцынскі інстытут (з 1967, дацэнт кафедры факультэцкай хірургіі, у 1968–1991 – загадчык кафедры), Гомельскі дзяржаўны медыцынскі інстытут (1991–1993, загадчык кафедры хірургічных хвароб).

Памёр 24.03.1993.