Нарадзіўся 27.07.1930, в. Струпіна, Гродзенскі раён. Эканаміст. Доктар эканамічных навук (1986), прафесар (1991).

Адукацыя: Гродзенскі дзяржаўны сельскагаспадарчы інстытут (спецыяльнасць "Заатэхнія", 1959), Беларускі навукова-даследчы інстытут жывёлагадоўлі (аспірантура, 1968).

Навуковыя інтарэсы: праблемы інтэнсіфікацыі жывёлагадоўлі ў комплексах індустрыяльнага тыпу; аграпрамысловая інтэграцыя суб'ектаў гаспадарання ў прадуктовым падкомплексе.

Месца працы, пасада: Жалудоцкае раённае ўпраўленне сельскай гаспадаркі Гродзенскай вобласці (галоўны заатэхнік), Гродзенскае вытворчае калгасна-саўгаснае ўпраўленне (інспектар), Беларускі навукова-даследчы інстытут жывёлагадоўлі (1967–1988, старшы навуковы супрацоўнік, загадчык лабараторыі арганізацыі і эканомікі вытворчасці ялавічыны, загадчык аддзела тэхналогіі вытворчасці ялавічыны), Беларуская дзяржаўная сельскагаспадарчая акадэмія (з 1989, прафесар кафедры аграбізнесу).

Памёр 27.08.2015.