Міхаіл Барысавіч Кандраценка нарадзіўся ў вёсцы Трыніўкі Віцебскага раёна.

З пачаткам Вялікай Айчыннай вайны быў партызанам. З сакавіка 1942 г. знаходзіўся у радах Чырвонай Арміі, з 1943 г. быў разведчыкам узвода коннай разведкі, з 1945 г. камандаваў аддзяленнем асобнага разведвальнага эскадрону. За ўдзел у Вялікай Айчыннай вайне Міхаіл Кандраценка ўзнагароджаны ордэнамі Чырвонай Зоркі і Славы ІІІ-й ступені.

Больш за 22 гады Міхаіл Барысавіч Кандраценка адпрацаваў машыністам торфанарыхтоўчага экскаватара на торфапрадпрыемстве «Дабееўскі Мох» у Шумілінскім раёне Віцебскай вобласці. На працягу трох пяцігодак ён дамагаўся высокіх паказчыкаў у працы, у 1966–1970 гг. пры планавым заданні здабычы торфу 29,8 тыс. тон здабыў 33 тыс. тон і зэканоміў 15 тыс. кілават-гадзін электраэнергіі.

Указам Прэзідыума Вярхоўнага Савета СССР ад 20 красавiка 1971 г. за выдатныя поспехі ў выкананні заданняў пяцігадовага плана па развіцці тарфяной прамысловасці Міхаілу Барысавічу Кандраценку было прысвоена званне Героя Сацыялістычнай Працы з уручэннем ордэна Леніна і залатога медаля «Серп і Молат».

Міхаіл Кандраценка ўзнагароджаны ордэнамі Леніна (1971), Айчыннай вайны І-й ступені (1985), Чырвонай Зоркі (1943), Славы ІІІ-й ступені (1945), медалямі.

Пераклад 2020 г. матэрыялаў інтэрнэт-праекта «Герои страны».