Надзея Сцяпанаўна Трускоўская нарадзілася ў сяле Востухава Карэліцкага раёна Гродзенскай вобласці.

З 1949 г. працавала паляводам у калгасе «Новае жыццё». У 1956 г. узначаліла льнаводчае звяно. Надзея Сцяпанаўна здолела дабіцца росту ўраджаяў ільновалакна да 12 цэнтнераў з гектара і пры гэтым забяспечыла яго высокую якасць.

Указам Прэзідыума Вярхоўнага Савета СССР ад 30 красавіка 1966 г. за поспехі, дасягнутыя ў павелічэнні вытворчасці і нарыхтовак ільну, Надзеі Сцяпанаўне Трускоўскай было прысвоена званне Героя Сацыялістычнай Працы з уручэннем ордэна Леніна і залатога медаля «Серп і Молат».

Надзея Трускоўская працягвала працаваць звеннявой да выхаду на заслужаны адпачынак. Узнагароджана ордэнам Леніна, медалямі.

Пераклад 2021 г. матэрыялаў інтэрнэт-праекта «Герои страны».