Лідзія Васільеўна Шапавалава нарадзілася ў пасёлку Масцішча Гомельскага раёна. У гады Вялікай Айчыннай вайны дзіцём перажыла акупацыю раёна. Пасля вызвалення атрымала няпоўную сярэднюю адукацыю ў мясцовай школе.

У 1948 г. пачала працаваць у паляводчай брыгадзе калгаса «Шлях да камунізму». У 1959 г. перайшла на малочнатаварную ферму і дамаглася добрых надояў малака ад кароў замацаванай за ёй групы, выйшла ў лік перадавых работніц. Па выніках сямігодкі (1959–1965) узнагароджана медалём «За працоўную адзнаку». У восьмую пяцігодку (1966–1970) Лідзія Васілеўна ў ліку першых у калгасе стала атрымліваць па 4000, а затым 5000 кілаграмаў малака ад кожнай жывёлы.

У 1971 г. за выдатныя поспехі, дасягнутыя ў развіцці сельскагаспадарчай вытворчасці і выкананні пяцігадовага плана продажу дзяржаве прадуктаў земляробства і жывёлагадоўлі, Лідзіі Васілеўне Шапавалавай было прысвоена званне Героя Сацыялістычнай Працы з уручэннем ордэна Леніна і залатога медаля «Серп і Молат».

За поспехі, дасягнутыя ва ўсесаюзным сацыялістычным спаборніцтве, і праяўленую працоўную доблесць у выкананні прынятых абавязацельстваў па павелічэнні вытворчасці і нарыхтовак прадуктаў жывёлагадоўлі ў зімовы перыяд 1972–1973 гг. была ўзнагароджана ордэнам Кастрычніцкай Рэвалюцыі.

У 1967–1971 гг. Лідзія Шапавалава з’яўлялася дэпутатам Вярхоўнага Савета БССР, мясцовых Саветаў дэпутатаў працоўных. Узнагароджана ордэнамі Леніна (1971), Кастрычніцкай Рэвалюцыі (1973), медалём «За працоўную адзнаку» (1966).

Пераклад 2021 г. матэрыялаў інтэрнэт-праекта «Герои страны».