Стыкут Настасся Ігнатаўна

Дата нараджэння: 12.12.1918 Борка-Бялевічы, вёска, Капыльскі раён, Мінская вобласць

Дата смерці: 14.09.2001 Расія

Кароткая даведка: работнік сельскай ггаспадаркі (кіраўнік паляводчага звяна), Герой Сацыялістычнай Працы (1948), узнагароджаная ордэнам Леніна

Варыянты імя: Стыкут Анастасія Ігнатаўна

Імёны на іншых мовах: Стыкут Анастасия Игнатьевна (руская);

Настасся Ігнатаўна Стыкут нарадзілася ў вёсцы Борка-Бялевічы (цяпер не існуе) Капыльскага раёна Мінскай вобласці ў сям’і сялян.

З 1946 г. працавала звеннявой паляводчага звяна ў саўгасе імя 10-годдзя БССР. У першую пасляванную пяцігодку работніцы звяна на чале з Н.І. Стыкут актыўна ўключыліся ў спаборніцтва за вырошчванне высокіх ураджаяў. Сумленная, адданая праца і настойлівасць прывялі да поспеху: у 1947 г. звяно Н.І. Стыкут атрымала па 31,4 цэнтнеры жыта, 34 цэнтнеры аўса і ячменю, 273 цэнтнеры бульбы з кожнага гектара.

Указам Прэзідыума Вярхоўнага Савета СССР ад 24 красавіка 1948 г. за атрыманне высокіх ураджаяў жыта пры выкананні саўгасам плана здачы дзяржаве сельскагаспадарчых прадуктаў у 1947 г. і забяспечанасці насеннем збожжавых культур для вясновай сяўбы 1948 г. Настассі Ігнатаўне Стыкут было прысвоена званне Героя Сацыялістычнай Працы з уручэннем ордэна Леніна і залатога медаля “Серп і Молат”.

Настасся Ігнатаўна працавала звеннявой да 1960 г., затым пераехала на пастаяннае месца жыхарства ў Харкаў Украінскай ССР. Працавала ў медыка-санітарнай частцы. У апошнія гады жыла ў Самарскай вобласці.

Узнагароджана ордэнам Леніна, медалямі.

Пераклад 2021 г. матэрыялаў інтэрнэт-праекта “Герои страны”.