Зінаіда Міхайлаўна Бычкоўская нарадзілася ў вёсцы Калачы Лагойскага раёна Мінскай вобласці.

У 1959 г. прыехала ў Мінск і паступіла ў прадзільны цэх Мінскага камвольнага камбіната. Па-майстэрску авалодала прафесіяй прадзільшчыцы і дамаглася найвышэйшай прадукцыйнасці працы, эканоміла за змену каля 40 хвілін працоўнага часу і выконвала пяцігадовае заданне за чатыры гады.

Указам Прэзідыума Вярхоўнага Савета СССР ад 31 снежня 1973 г. за выдатныя поспехі ў выкананні заданняў пяцігодкі і прынятых сацыялістычных абавязацельстваў на 1973 г., вялікі творчы ўклад у павелічэнне вытворчасці тавараў народнага спажывання і паляпшэнне іх якасці Зінаідзе Міхайлаўне Бычкоўскай было прысвоена званне Героя Сацыялістычнай Працы з уручэннем ордэна Леніна і залатога медаля «Серп і Молат».

Зінаіда Бычкоўская працавала прадзільшчыцай да выхаду на заслужаны адпачынак. Выбіралася дэпутатам Вярхоўнага Савета БССР, намеснікам Старшыні Прэзідыума Вярхоўнага Савета БССР. З 27 снежня 1976 па 28 лютага 1977 г. выконвала абавязкі Старшыні Прэзідыума Вярхоўнага Савета Беларускай ССР. Узнагароджана ордэнамі Леніна, «Знак Пашаны», медалямі.

Пераклад 2021 г. матэрыялаў інтэрнэт-праекта «Герои страны».