ААТ «Белмастацкераміка» – самы буйны вытворца керамічнага посуду ў Беларусі. Гісторыя прадпрыемства пачынаецца з 1940 г., калі было арганізавана прадпрыемства па вытворчасці тавараў народнага спажывання, у тым ліку ганчарнага посуду. За мінулыя дзесяцігоддзі завод ператварыўся ў сучаснае, абсталяванае перадавой тэхнікай, высокатэхналагічнае прадпрыемства па вырабе бытавой і мастацкай керамікі, якое з 1994 г. мае статус акцыянернага таварыства.

ААТ «Белмастацкераміка» вырабляе мастацкую кераміку, дэкаратыўныя вазы, сувеніры, керамічны посуд, наборы для кавы і гарбаты, падсвечнікі, сувеніры і плакеткі, кашпо, кактусніцы, вазоны для кветак, гаршкі для гатавання ежы, кубкі, міскі і г.д.

Для выпуску керамічных вырабаў народных мастацкіх промыслаў прымяняецца гліна з радовішча «Гайдукоўка». Увесь керамічны посуд з’яўляецца сімбіёзам традыцый продкаў і сучасных спосабаў вырабу і ўпрыгажэння.

На базе прадпрыемства праводзяцца экскурсіі, дзе можна ўбачыць працэс ператварэння кавалка гліны ў гатовы керамічны выраб. На прадпрыемстве дзейнічае музей, дзе можна азнаёміцца з усімі відамі керамічных вырабаў з пачатку функцыянавання прадпрыемства і да сучаснасці, прыняць удзел у спецыяльна арганізаванай глінянай лепцы. У сувенірнай краме можна набыць вазы, збанкі для кветак, наборы посуду, памятныя рэчы з керамікі.

Прадукцыя ААТ «Белмастацкераміка» прадстаўлена на рынках Беларусі і замежжа. Высокім попытам карыстаюцца мастацкія керамічныя вырабы, наборы для сервіроўкі, сувеніры і інш. Шырокі асартымент прадукцыі змяшчае больш за 250 найменняў вырабаў з гліны, штомесяц гэты пералік дапаўняецца.

Матэрыял падрыхтаваны ў 2023 г.