Вярхоў Пётр Васільевіч

Дата нараджэння: 26.11.1921 Саланое, в., Жлобінскі раён, Гомельская вобласць

Дата смерці: 05.03.1975 Мінск, г.

Кароткая даведка: работнік бібліятэкі, вучоны-мовазнавец, удзельнік Вялікай Айчыннай вайны, выдатнік чыгуначных войскаў

Імёны на іншых мовах: Верхов Пётр Васильевич (руская);

З сям’і сялян. Нарадзіўся ў с. Саланое, Рагачоўскі пав., Віцебская губ., цяпер вёска Жлобінскага р-на, Гомельская вобл.

Вучыўся ў 7-мігадовай школе (1929–1936). Вучань групы водазабеспячэння Школы ФЗН, ст. Жлобін (01.09.1936–01.09.1937). Слесар, з 1940 г. – тэхнік водазабеспячэння ў аддзяленні паравознай гаспадаркі Беларускай чыгункі, ст. Жлобін (01.09.1937–15.08.1940).

Праходзіў службу ў радах РСЧА, Кіеўская ВА (15.08/13.09.1940–04.07.1946). Стралок 9-га асобнага чыгуначнага батальёна (13.09.–01.12.1940), 2-га асобнага горна-стралковага палка (01.12.1940–10.07.1941), упраўлення 203-й стралковай дывізіі (10.07.1941–12.11.1942), Паўднёва-Заходні фронт. Стралок 104-га кавалерыйскага палка, Сталінградскі фронт (12.11–01.12.1942). Санітар 3-га гвардзейскага медыка-санітарнага батальёна, Сталінградскі фронт (01.12.1942–05.09.1943). Стралок-аўтаматчык 194-га стралковага палка, Данскі фронт (05.09.1943–01.12.1944). Начальнік электрастанцыі 4-га асобнага чыгуначнага батальёна, Калінінскі, 2-гі Прыбалтыйскі франты (01.12.1944–30.07.1946). За вайну 3 разы быў кантужаны. Звольнены з радоў Савецкай арміі па стане здароўя (30.06.1946).

Працаваў інжынерам-кансультантам па аддзяленні паравознай гаспадаркі вузлавога тэхнічнага кабінета, ст. Жлобін (07/08.1946–01.09.1948). Вучоба на філалагічным факультэце БДУ, г. Мінск (01.09.1948–06/12.1953). Лейтэнат (10.06.1953). Працаваў выкладчыкам/выхавацелем Чыгуначнага вучылішча № 3, г. Мінск (12.1953/02–05.1954). Малодшы навуковы супрацоўнік Сектара гісторыі беларускай мовы ў Інстытуце мовазнаўства імя Я. Коласа пры АН БССР, г. Мінск (02/05.1954–01.1958). Старшы бібліёграф Дзяржбібліятэкі БССР (18.02–10.05.1958). Адначасова старшы навуковы супрацоўнік (з 1970 г. кандыдат філалагічных навук) у Інстытуце мовазнаўства імя Я. Коласа пры АН БССР (1967/1968–1975). Старшы лейтэнант (30.12.1970).

Працы: “Лічэбнік у беларускай мове” (Мінск, 1961; “Суффиксальное словообразование существительных в белорусском языке XV–XX веков...” (Минск, 1970); адзін са складальнікаў кнігі “Хрэстаматыя па гісторыі беларускай мовы: вучэбны дапаможнік для філалагічных факультэтаў вышэйшых навучальных устаноў” (у 2 ч.; Мінск, 1961–1962).

Узнагароды: медалі “За абарону Сталінграда” (24.12.1942), “За баявыя заслугі” (30.04.1945), “За перамогу над Германіяй у Вялікай Айчыннай вайне 1941–1945 гг.”, знак “Выдатнік чыгуначных войскаў” (194?).