З сям’і каваля. Нарадзілася ў г. Санкт-Пецярбург.

1906–1910 гг. – вучоба ў пачатковай і з сельскагаспадарчым ухілам школах, г. Санкт-Пецярбург. Скончыла толькі пачатковую. 1911–1913 гг. – працавала хатняй работніцай і па найме. 1913–1917/1918 гг. – праца на трубачным заводзе бракаўшчыцай і перапісчыцай, г. Санкт-Пецярбург. 1917/1918 г. – пераезд у г. Вольск, Саратаўская губ. 26.08.1918 г. – прынята ў рады РСДРП(б). 1918 г. – праца перапісчыцай у канцылярыі Зямельнага аддзела Павятовага камітэта, 1918 – 1919 гг. – у Надзвычайнай камісіі, 1919 – люты 1920 гг. – у Павятовым камітэце РСДП(б), г. Вольск. Люты 1920 г. – мабілізавана ў рады РСЧА ў шпіталь, г. Растоў-на-Доне. Удзельнік грамадзянскай вайны (1920–1922). У 1920–1921 гг. працавала бібліятэкарам пры шпіталі. 1921–1922 гг. – пасля праходжання 6-цімесячных курсаў працавала паліткіраўніком 735-га ваеннага шпіталя, гг. Растоў-на-Доне, Кіславодск. Дэмабілізавана (1922).

1922–1924 гг. – праца кіраўніком дзіцячага дома, м. Хатавіж і м. Клімавічы, Гомельская губ. 1924–1925 гг. – жанарганізатар РК КП(б)Б, м. Краснаполле. 1925–1927 гг. – на курсах Савецкай партшколы ІІ ст. Прысвоена спецыяльнасць “Партработнік”. Адначасова член партарганізацыі ў Савецкай партыйнай школе, г. Віцебск. 1927–1929 гг. – жанарганізатар і член РК КП(б)Б, м. Валынцы, 1929–1930 гг. – жанарганізатар і член Акружнога камітэта КП(б)Б, г. Полацк. 1930–1931 гг. – загадчык Райпалітасветы РВК, м. Валынцы. 1931 г. – вучоба на курсах партактыву пры ЦК КП (б) Б, г. Мінск. 1931–1933 гг. – загадчык аддзела культуры і прапаганды у Райкаме КП(б)Б, да 1935 г. – загадчык Раённага аддзела аховы здароўя РВК, м. Асіповічы, з 1935 – г. Асіповічы.

1935–1937 гг. – студэнтка Вышэйшай школы прапагандыстаў пры ЦК КП(б)Б, г. Мінск. 1937 – чэрвень 1941 гг. – праца загадчыкам парткабінета РК КП(б)Б, м. Крупкі. 01.07.1941 – ліпень 1946 гг. – загадчык парткабінета РК ВКП(б), с. Шатрова, Курганская вобл.

Старшы бібліятэкар (з 10.08.1946), загадчык агульнай чытальнай залай (з 18.01.1948) Дзяржбібліятэкі БССР. 1948–1949 гг. – дэпутат Сталінскага раённага савета 2-х скліканняў, г. Мінск. 24.12.1954 г. – пераведзена на пасаду бібліятэкара галоўнай чытальнай залы. 01.11.1956 г. звольнена з бібліятэкі.

Узнагароды: “За доблесную працу ў Вялікай Айчыннай вайне 1941–1945 гг.” (05.1946).