Нарадзілася ў г. Мінск. З сям’і рабочых.

Скончыла 2-ю Вячэрнюю школу працоўнай моладзі 2-й ступені, г. Мінск (1924), два курсы літаратурна-лінгвістычнага аддзялення педагагічнага факультэта БДУ (1927), Вышэйшыя 2-х гадовыя бібліятэчныя курсы пры Дзяржбібліятэцы БССР (1936), міжабласныя 2-х месячныя курсы прапагандыстаў пры ЦК ВКП(б), г. Куйбышаў (1943), Вячэрні ўніверсітэт марксізма-ленінізма пры Маскоўскім ГК ВКП(б), г. Масква (1949), бібліятэчны факультэт Мінскага дзяржаўнага педагагічнага інстытута імя А. М. Горкага (1956, экстэрнам). Працоўны стаж з 1919 г. Служачая. Бібліятэкар філіяла Абласной бібліятэкі імя А. С. Пушкіна (01.06.1919–07.1930). Загадчык бібліятэкі Клуба імя І. В. Сталіна, г. Мінск (07.1930–09.1936). Загадчык кабінета рабочага чытача, агульнай чытальні (Чытальня “А”) (15.10.1936–24.06.1941), бібліятэкар даведачна-бібліяграфічнага аддзела Дзяржбібліятэкі БССР (з 21.11.1939). Член КП(б)Б з чэрвеня 1940 г. У гады вайны знаходзілася ў эвакуацыі. Загадчык гарадскога клуба, г. Катаў-Іванаўск, Чалябінская вобл. (19.07.–17.10.1941). Старшыня (вызвалены) фабрычнага камітэта 2-й Дзяржаўнай швейнай фабрыкі, г. Уфа, Башкірская АССР (31.12.1941–17.09.1943). Бібліятэкар бібліятэкі Маскоўскага мастацка-прамысловага вучылішча імя М. І. Калініна (08.02.1944–01.10.1949). Вярнулася ў г. Мінск. Бібліятэкар чытальнай залы (28.10.1949–01.05.1954), старшы бібліятэкар кабінета тэхнікі (01.05.1954–16.04.1962) Дзяржбібліятэкі БССР. На пенсіі з 16.04.1962 г.

Узнагароды: медаль “За доблесную працу ў Вялікай Айчыннай вайне 1941–1945 гг.” (06.06.1946); значок Міністэрства культуры СССР “За выдатную працу” (1957).

Месца пахавання: г. Мінск.