Казакоў Павел Аляксандравіч

Дата нараджэння: 14.01.1907 Віцебскі раён, Віцебская вобласць

Дата смерці: пасля 1985

Кароткая даведка: работнік бібліятэкі, удзельнік Вялікай Айчыннай вайны, кавалер ордэнаў Чырвонага Сцяга, Айчыннай вайны ІІ ступені

Імёны на іншых мовах: Казаков Павел Александрович (руская);

Нарадзіўся ў в. Аргуны, Віцебскі пав., Віцебская губ., вёска не існуе, цяпер Віцебскі р-н, Віцебская вобл. З сям’і сялян.

Займаўся земляробствам, працаваў у гаспадарцы бацькі ў роднай вёсцы. Кастрычнік 1929 – лістапад 1930 гг. – служба ў РСЧА. Баец асобнай роты сувязі Упраўлення сувязі корпуса, г. Бабруйск. Верасень 1930 – лістапад 1931 гг. – наглядчык ваеннай тэлефонна-тэлеграфнай станцыі. Дэмабілізаваны (10.1930).

Лістапад 1931 – снежань 1932 гг. – працаваў токарам Віцебскага дэпо Маскоўска-Беларуска-Балтыйскай чыгункі. Далей была звыштэрміновая служба ў РСЧА ў якасці радыёмайстра ў 27-м артылерыйскім палку 27-й стралковай дывізіі (да кастрычніка 1938 г). 1935 г. – вучоба на рабочым факультэце Ленінградскага інстытута чыгуначнага транспарту ў Віцебску (скончыў 3 курсы). Кастрычнік 1938 – сакавік 1939 гг. – вучоба на курсах малодшых лейтэнантаў пры 27-й стралковай дывізіі БВА. Член ВКП(б) са студзеня 1940 г. Прымаў удзел у Вызваленчым паходе РСЧА ў Заходнюю Беларусь (09.1939). Быў радыётэхнікам 53-га артылерыйскага палка 27-й стралковай дывізіі. Удзельнік Вялікай Айчыннай вайны з 22.06.1941 г.

17–18.07 і 27–29.07.1941 гг. быў у акружэнні ў Беластоцкай і Мінскай абл., але змог вырвацца. Да верасня 1941 гг. – рухаўся ў бок фронту праз Баранавіцкую, Мінскую і Смаленскую вобл. Верасень – лістапад 1941 гг. – знаходзіўся на лячэнні ў в. “Новае жыццё”. 14.11.1941 г. далучыўся да групы партызан палкоўніка В. К. Саладоўнікава 132-га стралковага палка 27-й стралколвай дывізіі. 14.02.1942 г. далучыўся да партызанскай брыгады “Аляксея”. Чэрвень – лістапад 1942 гг. – камандзір узвода атрада Чапаева партызанскай брыгады “Аляксея”. Да чэрвеня 1943 г. – начальнік штаба партызанскага атрада Селіваненка. Малодшы ваентэхнік і начальнік штаба атрада № 8 партызанскай брыгады “Аляксея”. Лейтэнант (30.04.1943). 17/25.03.1944 г. прызначаны камандзірам атрада № 15. З 03.06.1943 па 03.1944 г. – камісар партызанскага атрада “Інтэрнацыянал” брыгады “Аляксея”. 22.03.1944–15.07.1944 гг. – камандзір партызанскага атрада “Сокал”. Старшы лейтэнант (25.02.1945).

Памочнік дырэктара па гаспадарчай частцы Дзяржбібліятэкі БССР (01.12./03.12 /11.12.1945–16.02.1958).

Узнагароды: ордэны Чырвонага Сцяга (30.12.1948), Айчыннай вайны ІІ ст. (06.04.1985), медалі “Партызану Айчыннай вайны” І ст. (сакавік 1943 / 1944), “За перамогу над Германіяй у Вялікай Айчыннай вайне” (1945), “За баявыя заслугі” (30.12.1946).