Нарадзілася ў с. Вялікія Нізгорцы, Бердычаўскі пав. Кіеўская губ., цяпер Бердычаўскі р-н, Жытомірская вобл. З сям’і сялян.

Скончыла 8 класаў СШ (1925), курсы медсёстраў (1930). Да 1922 г. пражывала ў родным сяле. Санітарка паліклінікі рудніка “Вяроўка” Горлаўскага р-на, Данецкая акруга (05.1930–04.1932), медсястра ст. Рутчэнкова, Данецкая вобл. (04.1932–06.1936), выхавацель дзіцячага садка 24-га пагранічнага атрада, г. Магілёў-Падольскі, Вінніцкая вобл. (07.1936–06.1941). У пачатку Вялікай Айчыннай вайны эвакуіравана ў с. Тамапуль, Курганская вобл., дзе працавала ў калгасе. Чырвонаармеец 84-га палка НКУС, г. Пенза (06.1943–04.1945). Працавала ў Дзяржбібліятэцы БССР ліфцёрам (04.1963–01.1967), малодшым бібліятэкарам (01.02.1967–15.11.1968), пыльшчыцай (15.11.1968–12.04.1969), пераплётчыцай (12.04.–14.07.1969), малодшым бібліятэкарам (14.07.1969–08.07.1970).

Узнагароды: медаль “За перамогу над Германіяй у Вялікай Айчыннай вайне 1941–1945 гг.” (1945).