Нарадзілася ў с. Новы Ропск, Навазыбкаўскі пав., Чарнігаўская губ., цяпер с. Новы Ропск, Клімаўскі р-н, Бранская вобл. З сям’і сялян.

Да 1938 г. скончыла рабфак, г. Навазыбкаў. 1938–1941 гг. – вучоба на бібліяграфічным факультэце Бібліятэчнага інстытута, г. Масква. Люты – красавік 1942 г. – загадчык абанемента цэнтральнай гарадской бібліятэкі, г. Хабараўск. З 04.1942 г. у радах РСЧА. 04.1942–08.1945 гг. – служыла радыёаператарам, г. Хабараўск. 11.1945–09.1946 гг. – загадчык даведачна-бібліяграфічнага аддзела абласной бібліятэкі, г. Бранск. 11.1946–08.1947 гг. – загадчык бібліятэкі Сельскагаспадарчага тэхнікума, с. Кокіна, Бранская вобл. 12.1947–04.1951 гг. – старшы бібліёграф абласной бібліятэкі, г. Уладзімір. 08.1952 г. – пераезд у г. Мінск.

Бібліёграф (16.08.1952), старшы бібліёграф (11.07.1957), загадчык сектара кансультацыйна-бібліяграфічнай і інфармацыйнай работы (01.11.1961), старшы бібліёграф навукова-бібліяграфічнага аддзела (10.12.1962), загадчык навукова-бібліяграфічнага аддзела (10.05.1971–04.01.1977) Дзяржбібліятэкі БССР. 02.02.1976 г. імя В. М. Сіленка занесена ў Кнігу Народнай Славы Дзяржбібліятэкі БССР.

Узнагароды: медаль “За доблесную працу ў азнаменаванне 100-годдзя з дня нараджэння У. І. Леніна 1870–1970” (04.1970), значок “За выдатную працу” (02.1969).