Нарадзіўся ў в. Навінкі, Рэчыцкі пав., Мінская губ. (цяпер в. Навінкі, Калінкавіцкі р-н, Гомельская вобл.) ці с. Васілевічы, Васілевіцкі р-н, Палеская вобл. (цяпер г. Васілевічы, Рэчыцкі р-н, Гомельская вобл.).
Рана застаўся без бацькі. Працаваў па найме, пазней у лясгасе, на тарфяным заводзе ў родных мясцінах. З 1930 г. – інспектар Гомельскай інспекцыі працы, інструктар раённага аддзела кааперацыі. З чэрвеня па верасень 1931 г. вучыўся на курсах прапагандыстаў. Прапагандыст у Бешанковіцкім РК КП(б)Б. Член ВКП(б) з 1929 г. В. а. загадчыка ізбы-чытальні. Загадчык інтэрната Віцебскага педагагічнага інстытута імя С. М. Кірава. Сакратар лектарскага бюро Віцебскага гарадскога палітасвета. Студэнт гістарычнага аддзялення Віцебскага настаўніцкага інстытута (1935–1937). Дырэктар Віцебскага дзяржаўнага гістарычнага музея, па сумяшальніцтве Віцебскага філіяла Дзяржбібліятэкі БССР (06.1938–25.10.1939). З 10.1939 г. – інструктар аддзела агітацыі і прапаганды Віцебскага абласнога камітэта КП(б)Б. 23.06.1941 г. прызваны у рады РСЧА Віцебскім ГВК. Слухач Ваенна-палітычнай акадэміі імя У. І. Леніна, г. Масква (1941–1942). Удзельнік Вялікай Айчыннай вайны з 07.1942 г. Інструктар, старшы інструктар палітаддзела 325-й стралковай дывізіі 29-га стралковага корпуса, 50-я, 48-я, 63-я арміі, капітан, маёр (01.07.1942–09.05.1945). Ваяваў у складзе Паўночна-Заходняга, Цэнтральнага, 1-га і 2-га Беларускіх франтоў. Удзельнік вызвалення г. Арол, Гомель, Старая Руса, Рагачоў, Бабруйск і інш. Скончыў вайну ва Усходняй Прусіі. Дэмабілізаваны (17.07.1946). Вярнуўся ў Віцебск. На партыйнай рабоце.
Узнагароды: ордэны Айчыннай вайны II ст. (10.07.1944), Айчыннай вайны I ст. (04.02.1945), медалі “За ўзяцце Кёнігсберга” (194?), “За перамогу над Германіяй у Вялікай Айчыннай вайне 1941–1945 гг.” (09.05.1945).
