Сярко Дзмітрый Іванавіч

Дата нараджэння: 16.09.1889 Пухавіцкі раён, Мінская вобласць

Дата смерці: пасля 1970

Кароткая даведка: работнік бібліятэкі, спецыяліст у галіне справаводства, выкладчык, удзельнік Вялікай Айчыннай вайны

Імёны на іншых мовах: Серко Дмитрий Иванович (руская);

Нарадзіўся ў в. Войраўка, Ігуменскі пав., Мінская губ., цяпер Пухавіцкі р-н, Мінская вобл.

Канцылярскі служачы 1-й акругі акцызнага ўпраўлення, г. Мінск (1910–1914). Служачы Сялянскага пазямельнага банка (?–08.1914). Мабілізаваны ў рады Расійскай царскай арміі ў апалчэнне 1-га разраду, затым пераведзены на пасаду скарбніка 369-й пяхотнай Мінскай дружыны Дзяржаўнага апалчэння (?–1918). Член, потым старшыня таварыскага суда (1917). Ст. справавод агітацыйна-асветніцкага аддзела Нарваенкамата (1918). Начальнік агульнага аддзела Мінскай губернскай асаблівай спажывецкай камісіі па забеспячэнні Заходняга фронту (1919–08.1920). Старшы справавод адміністрацыі фінансавага аддзялення палітасветы наркамата па ваенных справах (08.1920–?). Загадчык аддзела палітасветы, школьны інструктар і выкладчык раённай школы, г. Мінск (студзень – лістапад 1921). Праца ў БДУ: сакратар (11.1924–04.1922), начальнік агульнага аддзела (03.04.1922–10.10.1924), кіраўнік спраў, сакратар Савета (10.10.1924–1931), юрысткансультант (1928), кіраўнік практыкі студэнтаў (да 1933), намеснік рэктара па завочным научанні (01.01.1934), дырэктар бібліятэкі (193?). Дэкан літаратурнага факультэта БДПІ імя А. Горкага (1937–06.1941).

Прызваны ў рады РСЧА. На фронце (?–11.1941). Вёў справаводства Вяземскага ваеннага шпіталя (1941–1942). Загадчык бібліятэкі Ваеннага шпіталя Народнага камісарыята абароны № 424 (1942–1943). Навуковы супрацоўнік Прэзідыума АН БССР (у эвакуацыі) (06.11.1943). Кіруючы справамі Прэзідыма АН БССР (1943–1944). Навуковы сакратар інстытута эканомікі (23.03.1945). Бібліёграф Дзяржбібліятэкі БССР (01.09.1945–?). Вучоны сакратар аддзялення грамадазнаўчых навук АН БССР (20.06.1947–01.06.1970).

Узнагароджаны медалямі: "За перамогу над Германіяй у Вялікай Айчыннай вайне 1941–1945 гг." (26.12.1945), "За доблесную працу ў Вялікай Айчыннай вайне 1941–1945 гг." (15.01.1946), "За працоўную доблесць" (12.07.1967).