З сям’і сялян. Нарадзіўся ў с. Цітва Ігуменскага павета Мінскай губерні (цяпер Пухавіцкі раён, Мінская вобласць).

Адукацыя 2 класы. 1908–1914 гг. – праца на піўным заводзе Лекерта, г. Мінск. 1914–1917 гг. – служба ў РІА. 01.01.1915 – люты 1917 г. – старшы унтэр-афіцэр нестраявых войск. Люты 1917 г. – на фронце, падтрымаў рэвалюцыю. 1917 – 07.1922 гг. – у радах Чырвонай арміі/Чырвонай Гвардыі. 1922–1930 гг. – праца ў саўгасе “Цітва” падлікоўцам. 1930–1934 гг. – працаваў у раённай канторы Беларускага дзяржаўнага аб’яднання па нарыхтоўцы пладоў і агародніны, в. Рудзенск. 1934–1941 гг. – праца ў Раённым дарожным аддзеле, в. Рудзенск, Пухавіцкі р-н, Мінская вобл. (з 1938 г. – гарадскі пасёлак).

1941–1944 гг. – жыў на акупіраванай тэрыторыі ў г. п. Рудзенск. Сувязны атрадаў “За Бацькаўшчыну” партызанскай брыгады “Беларусь” і атрада імя М. Шчорса 2-й Мінскай партызанскай брыгады. 1944–1949 гг. – цясляр на ст. Мінск-пасажырскі, удзельнічаў у аднаўленні чыгункі, г. Мінск. 05.11.1954–16.04.1956 – апальшчык Дзяржбібліятэкі БССР.