Цвейфель Лізавета Давыдаўна

Дата нараджэння: 1898 ці 1899 ці 1902 Орша, г., Віцебская вобласць

Дата смерці: 26.01.1965 Мінск, г.

Кароткая даведка: работнік бібліятэкі

Імёны на іншых мовах: Цвейфель Лейка Довидовна (руская); Цвейфель Лиза Довидовна (руская);

Са шматдзетнай сям’і чорнарабочага/служачага. Нарадзілася ў Оршы.

Упакоўшчыца тавараў, прыказчыца ў прыватным пісчапапяровым магазіне Гурэвіча, г. Орша (1913–1918). Экспедытар Аршанскага павятовага аддзялення Цэнтрадруку (1918–1921). Прыказчыца ў Цэнтральным рабочым кааператыве, г. Орша (1924–1925). Скончыла рабфак, г. Орша (1924), педагагічны факультэт гісторыка-эканамічнага / сацыяльна-гістарычнага аддзялення БДУ (1929). Настаўніца гісторыі чыгуначнай НСШ (1929–1931), дырэктар беларускай НСШ (1931–1933), м. Асіповічы, Бабруйская акруга. Загадчык Асіповіцкага РАНА (1933–1934). Член ВКП(б) з 1938 г. Бібліятэкар метадычнага сектара (з 01.01.1935), загадчык беларускага, краязнаўчага аддзелаў (01.01.1935–21.06.1941) Дзяржбібліятэкі БССР.

У гады вайны ў эвакуацыі. Дырэктар НСШ, с. Н-Кватчы, Мажгінскі р-н, Удмурцкая АССР (1941–03.1944). Намеснік па палітасветрабоце загадчыка Магілёўскага ААНА (03.1944–02.1945). Кансультант пры партыйным кабінеце, г. Гродна (03.1945–01.1948). Вярнулася ў г. Мінск. Старшы бібліятэкар, бібліятэкар аддзела камплектавання, агульнага чытальнага зала Дзяржбібліятэкі БССР (20.01.1948–01.11.1961). На пенсіі з 01.11.1961 г.

Працы: складальнік бібліяграфічнага паказальніка “ХХІ-я гадавiна вызвалення Беларусi ад белапалякаў” (Мінск, 1941).

Узнагароды: медаль “За доблесную працу ў Вялікай Айчыннай вайне 1941–1945 гг.” (10.06.1948).

Месца пахавання: г. Мінск.