З сям’і мяшчан, бацькі былі дробнымі гандлярамі.

Вучылася да 1920 г. У гэтым жа годзе прынята ў рады партыі. У 1920–1922 гг. працавала статыстыкам ЦК КП (б) Б, Мінск. У 1922–1924 гг. вучылася ў Маскве. З-за пагаршэння зроку вымушана была скончыць вучобу і пайсці працаваць на завод “Прэс”, г. Масква (1924–1926). У 1926–1927 гг. працавала на тэкстыльнай фабрыцы ў г. Бійску. 1927–1931 гг. – вучоба на гістарычным факультэце Акадэміі Камуністычнага выхавання імя Н. К. Крупскай, г. Масква. 1931–1933 гг. – працавала выкладчыкам у школах у г. Ленінск-Кузнецку і Омску. 1934–1935 гг. – загадчык па вучэбнай частцы Савецкай партыйнай школы, потым у аддзеле кадраў. 1935–1937 гг. – працавала статыстыкам. 1939–1940 гг. – бухгалтар раённага аддзела аховы здароўя, с. Даурскае?, Краснаярскі край. 1940–1941 гг. – бухгалтар у школе, г. Бабруйск. 1941–1945 гг. – бухгалтар у бальніцы п. Аблакетка (Усць-Каменагорск). Галоўны бухгалтар (з 18.08.1945), старшы бухгалтар (14.07.1954–01.12.1957) Дзяржбібліятэкі БССР.

Узнагароды: медаль “За доблесную працу ў Вялікай Айчыннай вайне 1941–1945 гг.” (10.04.1948).