Нарадзілася ў г. Бійск, Сібірскі край, цяпер г. Бійск, Алтайскі край. З сям’і служачых.

Вучоба ў СШ № 205, г. Ленінград (193?–1946). У 1941–1944 гг. жыла ва ўмовах блакады, г. Ленінград (была старастай ваенна-абароннай суполкі, выканала норму на 115 %). Вучоба на юрыдычным факультэце Юрыдычнага інстытута імя М. І. Калініна, г. Ленінград (1946–1950). Прысвоена кваліфікацыя “юрыст”. Кансультант-кадыфікатар ва Упраўленні Міністэрства юстыцыі РСФСР, потым старшы кансультант-метадыст, г. Калінін (1950–1953). Настаўніца гісторыі СССР у школе медсёстраў, г. Паставы, Маладзечанская вобл. (1955–1957). Інструктар па ідэалагічнай працы сярод сем’яў ваеннаслужачых у гарнізонным Доме афіцэраў, г. Паставы (1956–1959). Намеснік суддзі ў Народным судзе, г. Паставы (1957–1959). Да 01.10.1960 г. – намеснік Міністра культуры БССР, г. Мінск. Кіраўнік справамі (01.10.1960), бібліятэкар (10.12.1960–01.11.1962) Дзяржбібліятэкі БССР. Прызначана на пасаду прапагандыста Ленінскага РК КПБ.

Узнагароды: медаль “За абарону Ленінграда” (30.11.1943/18.12.1943).