Нарадзіўся ў в. Карані Карповіцкай воласці Рэчыцкага павета Мінскай губерні (цяпер Светлагорскі раён, Гомельская вобласць) у сям’і сялян.

Служба ў радах РСЧА, г. Мінск (1927–1929). Рам[онтнік] станкавы дрэваапрацовачнага завода імя В. Молатава, г. Мінск (1929–1934). Грузчык у канторы Міннарыхтзерне (1934–1936). Грузчык 2-й [мех.] пякарні, г. Мінск (1936–06.1941). Жыў на акупіраванай тэрыторыі ў роднай вёсцы (06.1941–1943).

У 1943–1945 гг. удзельнік Вялікай Айчыннай вайны ў радах Чырвонай арміі. Удзельнічаў у баях за вызваленне Бабруйска. Прайшоў тэрыторыю Польшчы, дзе ўдзельнічаў у вызваленні г. Грудзёнз, штурме г. Данцыг, потым на тэрыторыі Германіі – ва ўзяцці г. Штральзунд, фарсіраванні р. Одэр. Двойчы быў ранены на тэрыторыі Беларусі і Германіі ў 1944 г. За ўдзел у баях была абвешчана падзяка Вярхоўнага Галоўнакамандуючага.

Качагар на спіртазаводзе, Турбаўскі р-н, Вінніцкая вобл. (08.1945–10.1946). Апальшчык (25.12.1946), качагар (15./20.10.1947) Дзяржбібліятэкі БССР. 20.01.1949 г. прызнаны інвалідам вытворчасці. Пажарнік Дзяржбібліятэкі БССР (30.01/01.02.1949–16.05.1960 гг.).

Узнагароды: медаль “За перамогу над Германіяй у Вялікай Айчыннай вайне 1941–1945 гг.” (09.05.1945).