Нарадзілася ў в. Пятровічы, Ігуменскі пав., Мінская губ., цяпер Смалявіцкі р-н, Мінская вобл. З сям’і сялян.

1928–1939 гг. – вучоба ў рускай школе № 5, г. Мінск. 1939–06.1941 гг. – вучоба на літаратурным факультэце Мінскага дзяржаўнага педагагічнага інстытута імя М. Горкага. Скончыла два курсы. 24.06.1941–04.1943 гг. – займалася сельскай гаспадаркай, в. Пятровічы, Мінская вобл. Красавік/май – верасень 1943 г. – сувязная атрада імя М. Кутузава партызанскай брыгады “За Савецкую Беларусь”. 01.09.1943/02.09.1943/02.11.1943 г. – партызанка партызанскага атрада “За Савецкую Беларусію” аднайменнай партызанскай брыгады. З 14.04.1944 г. пераведзена ў склад баявой роты. Прымала ўдзел у баявых аперацыях.

1944–1946 гг. – вучоба ў БДУ. Прысвоена кваліфікацыя “выкладчык мовы і літаратуры”. 09.1946 – лета 1947 гг. –настаўніца пачатковых класаў СШ № 6, г. Мінск(?). 26.09.1947–29.08.1950г. – бібліятэкар Дзяржбібліятэкі БССР. Потым зноў займалася педагагічнай працай.

Узнагароды: медаль “Партызану Айчыннай вайны” IІ ст. (да 19.07.1944), медаль “За перамогу над Германіяй у Вялікай Айчыннай вайне 1941–1945 гг.” (05. 1945).