Нарадзіўся ў м. Новая Воля, Беластоцкі пав., Гродзенская губ., цяпер в. Нова Воля, Беластоцкі пав., Падляскае ваяводства, Польшча. З сям’і сялян.

З 1915 па 1919 гг. пражываў у Буінскім пав., Сімбірская губ. (цяпер Казанская вобл., Рэспубліка Татарстан). Працаваў сезонным рабочым у кулакоў. З 1919 г. у дзіцячым доме. Скончыў сельскую школу (1916), 1-ю ступень Адзінай працоўнай школы (1919). Член РКСМ. Член Буінскага павятовага камітэта РКСМ. Пераведзены на камсамольскую работу ў г. Слуцк, Мінская вобл. (08.1921), Мінскі павятовы камітэт КСМ (02.1923), г. Барысаў, Мінская вобл. (да 08.1923). Працаваў педагогам. Аспірант АН БССР. Навуковы супрацоўнік (?–08.06.1936) Дзяржбібліятэкі БССР. Арыштаваны 08.06.1936 г. Асуджаны Асобай нарадай пры НКУС 22.07.1936 г. за “антысавецкую агітацыю” да 5 гадоў ППК. Пражываў у г. Анега, Архангельская вобл. (на 1943). Удзельнік Вялікай Айчыннай вайны. У рады РСЧА прызваны Анежскім РВК Архангельскай вобл. (13.11.1943–1944). Служыў у 389-м, 34-м запасных стралковых палках (11.1943–24.01.1944), 119-м стралковым палку 13-й стралковай дывізіі (з 24.01.1944), радавы. Загінуў на фронце. Рэабілітаваны Пракуратурай БССР 06.06.1989 г.