Вера Іванаўна Дзенісюк нарадзілася ў г. Варшаве. З сям’і рабочага.

Скончыла школу 2-й ст. пры ст. Мінск Маскоўска-Беларуска-Балтыйскай чыгункі (1924), сацыяльна-эканамічнае аддзяленне гістарычнага/педагагічнага факультэта БДУ (1928), аспірантуру пры АН БССР (1931). Прымала ўдзел у ліквідацыі непісьменнасці сярод рабочых-чыгуначнікаў. Настаўніца гісторыі ў Вячэрняй працоўнай школе, г. Мінск (01.09.1926–01.09.1928), 9-ці гадовай адзінай працоўнай чыгуначнай школе, г. Мінск (01.09.1928–09.1931). Член ЛКСМ. Выкладчык гісторыі ў Камуністычным універсітэце Беларусі імя У. І. Леніна, г. Мінск (09.1931–12.1934).Навуковы работнік, бібліёграф, загадчык даведачна-бібліяграфічнага аддзела (01.1935–09.1937) Дзяржбібліятэкі БССР. Старшы выкладчык новай гісторыі ў Мінскім дзяржаўным педагагічным інстытуце імя А. М. Горкага (09.1937–02.1940). Член КП(б)Б з 10.1939 г. Лектар абласнога камітэта КП(б)Б, г. Беласток (01.02.1940–22.06.1941). У гады вайны ў эвакуацыі. Дырэктар, настаўніца СШ, г. Балашоў, Саратаўская вобл. (01.08.1941–30.12.1942). Загадчык аддзела прапаганды і агітацыі РК ВКП(б), г. Балашоў (01.01.–01.09.1943). Лектар Абласнога камітэта КП(б)Б, г. Крычаў, Магілёўская вобл. (01.10.1943–01.07.1944). Загадчык аддзела школ Абласнога камітэта КП(б)Б, г. Гродна (22.07.1944–07.12.1945). Загадчык кафедры гісторыі СССР Міжабласной партыйнай школы, г. Гродна (12.01.1946–03.1947). Па сумяшальніцтве выкладчык агульнай гісторыі (07.1944–03.1947), старшы выкладчык агульнай гісторыі на кафедры марксізма-ленінізма (з 03.1947) у Гродзенскім дзяржаўным педагагічным інстытуце. Лектар Абласнога і гарадскога камітэтаў КП(б)Б, г. Гродна (на 1949).

Працы: “Гісторыя класавай барацьбы: для завочных саўпартшкол і камсамольскіх універсітэтаў” (Мінск, 1932).

Узнагароды: медаль “За доблесную працу ў Вялікай Айчыннай вайне 1941–1945 гг.” (30.01.1946).