Жлоба Мікалай Фёдаравіч

Date of Birth: 05.01.1935 Гомель, г.

Date of death: 04.11.2022

Quick reference: архітэктар, аўтар архітэктурна-ландшафтных комплексаў, паркаў і помнікаў Мінска, Оршы, Віцебска і інш. гарадоў, лаўрэат Дзяржаўнай прэміі СССР (1989)

Names in other languages: Жлобо Николай Фёдорович (russian);

Нарадзіўся архітэктар у Гомелі. У 1960 г. скончыў Беларускі політэхнічны інстытут (сёння Беларускі нацыянальны тэхнічны ўнівэрсітэт). З 1952 г. працаваў у канструктарскім бюро Міністэрства гандлю, з 1962 г. у інстытуце будаўніцтва і архітэктуры АН БССР, з 1971 г. галоўны архітэктар зялёнага будаўніцтва ў інстытуце “Белкамунпраект”, з 1974 г. – у інстытуце “Мінскпраект”.

Працаваў у галіне ландшафтнай архітэктуры. Асноўныя работы ў Мінску: рэканструкцыя парку імя М. Горкага (1975), тэрыторыі стадыёна “Дынама” (1980), парк па вуліцы Матусевіча (1987), архітэктурна-ландшафтныя комплексы ўсходніх раёнаў горада на аснове Сляпянскага водна-паркавага паўкальца (Дзяржаўная прэмія СССР, 1989). Працаваў над рэканструкцыяй 17 паркаў і сквераў вакол водна-паркавай сістэмы ў Мінску (1988), добраўпарадкаваннем ракі Свіслач ад вадасховішча Дразды да Камсамольскага возера (1989), парк на праспекце Праўда (1990), помнік партызанам-падпольшчыкам братам Санько (1973, у суаўтарстве), добраўпарадкаванне Лошыцкай воднай сістэмы (1992–2003).

Сярод іншых работ архітэктара – праект генплана г. Старыя Дарогі (1967), паркі ў Оршы (1971), Віцебску (1972), Кобрыне (1973), Асіповічах (1982), рэканструкцыя і аднаўленне палаца-паркавага ансамбля XVI–XVIII стст. у Нясвіжы (1990, у суаўтарстве). Адзін з аўтараў помніка М. Багдановічу ў горадзе Ялта Крымскай вобласці (Украіна, 2004) і Кірылу Тураўскаму ў Гомелі (2004).

Матэрыял падрыхтаваны Гомельскай абласной універсальнай бібліятэкай імя У. І. Леніна ў 2012 г.