Леанід Васілевіч Макарэвіч нарадзіўся ў в. Быцень Івацэвіцкага раёна Брэсцкай вобласці. У 1969 г. скончыў архітэктурны факультэт Беларускага політэхнічнага інстытута (цяпер Беларускі нацыянальны тэхнічны ўніверсітэт). У 1969–2012 гг. працаваў у Баранавіцкім архітэктурна-канструктарскім аддзеле інстытута “Брэстграмадзянпраект”.

Асноўныя работы: у г. Баранавічы – кінатэатр “Кастрычнік” (1970), Дом Саветаў (1973), шматкватэрныя жылыя дамы (1977, 1982, 1989), Дом піянераў, будынак упраўлення КДБ (абодва 1984), царква Аляксандра Неўскага (1996–1999); школа ў пасёлку Жамчужны Баранавіцкага раёна (1985), гасцініца Брэсцкага аблвыканкама (1986), цэрквы прападобнага Серафіма Сароўскага ў г. Белаазерск Бярозаўскага раёна, у в. Святая Воля Івацэвіцкага раёна (абедзве 1992), Петрапаўлаўская царква ў Бярозе (2009) і інш.

У 1999 г. Л. В. Макарэвічу прысвоена ганаровае званне “Заслужаны архітэктар Беларусі”.

Матэрыял падрыхтаваны ў 2014 г.