Date of Birth:
1877 Глуск, г. п., Глускі раён, Магілёўская вобласць
Date of death:
пасля 23 лютага 1930
Quick reference:
свяшчэннамучанік, новапакутнік Мінскай епархіі Беларускай Праваслаўнай Царквы
Spiritual names:
Пётр
Names in other languages:
Грудинский Пётр Феофилович (russian);
1065 chars
Reference
Пётр Феафілавіч Грудзінскі нарадзіўся ў мястэчку Глуск Мінскай губерні (цяпер г. п. Глуск, Глускі раён, Магілёўская вобласць) у сям’і арандатара. Скончыў Глускую народную школу і павятовае вучылішча. Працаваў пісарам, страхавым інспектарам, быў членам Губернскага камітэта па справах земскай гаспадаркі. Дзякуючы адукаванасці і вялікаму аўтарытэту сярод мясцовых жыхароў, на губернскім сходзе быў абраны дэпутатам ад сялян і ўдзельнічаў у працы ІІ Дзяржаўнай думы (1907).
У 1921 г. прыняў сан свяшчэнніка і стаў настаяцелем Свята-Мікалаеўскай царквы ў мястэчку Цімкавічы (зараз вёска ў Капыльскім раёне Мінскай вобласці). Служыў там на працягу васьмі гадоў. У студзені 1930 г. айцец Пётр быў абвінавачаны ў “антысавецкай дзейнасці” і зняволены ў турму ў г. Слуцк. Па прыгавору суда 23 лютага гэтага ж году быў растраляны.
У 1989 г. Пракуратурай БССР П. Ф. Грудзінскі быў рэабілітаваны. У 1999 г. Сінодам Беларускай Праваслаўнай Царквы святар быў кананізаваны і далучаны да ліку святых новапакутнікаў.
