ААТ «Чырвоны харчавік» – сучаснае кандытарскае прадпрыемства Рэспублікі Беларусь са сваімі традыцыямі і багатай гісторыяй, якая пачынаецца з 1870 г. На працягу доўгіх гадоў прадукцыя радуе як дарослых, так і самых маленькіх пакупнікоў. Кожны можа выбраць ласунак па сваім гусце, у прыгожай упакоўцы або на вагу. Нязменным была і застаецца высокая якасць прадукцыі, што вырабляецца па класічных тэхналогіях з выкарыстаннем натуральнай сыравіны. Прадпрыемства спецыялізуецца на вытворчасці зефіру, мармеладу, сланечнікавай і арахісавай халвы, ірысу, дражэ, цукерак. Асартыментны пералік налічвае больш за 140 відаў. Магутнасці фабрыкі дазваляюць выпускаць больш за 21 тыс. тон кандытарскіх вырабаў у год. Уся прадукцыя мае ўнікальныя смакавыя якасці, харчовую і біялагічную каштоўнасць. Спецыялістамі прадпрыемства пастаянна вядзецца праца па пашырэнні асартыменту прадукцыі з улікам патрабаванняў рынку, удасканаленні ўпаковачных матэрыялаў і дызайну. Для вывучэння спажывецкага попыту, новых тэхналогій і абсталявання прадпрыемства рэгулярна ўдзельнічае ў спецыялізаваных міжнародных выстаўках, семінарах, канферэнцыях.

Матэрыял падрыхтаваны ў 2017 г.