Купа Міхаіл Мікалаевіч

Date of Birth: 17.03.1931 Казлы, в., Бераставіцкі раён, Гродзенская вобласць

Date of death: 30.03.1997

Quick reference: заслужаны будаўнік Беларусі, Герой Сацыялістычнай Працы (1975), кавалер ордэна Леніна

Names in other languages: Купа Михаил Николаевич (russian);

Міхаіл Мікалаевіч Купа нарадзіўся ў вёсцы Казлы Бераставіцкага раёна Гродзенскай вобласці.

У 1949 г. пачаў працаваць мулярам у арцелі “Чырвоная зорка” Гродзенскага абласнога Савета прамысловай кааперацыі. З верасня 1952 г. працаваў рабочым Гродзенскага будаўнічага трэста № 11 (цяпер – Адкрытае акцыянернае таварыства “Гроднапрамбуд”), у 1954 г. стаў мулярам 4 разраду. У 1962 г. Міхаіл Купа ўзначаліў комплексную брыгаду будаўнікоў. Удзельнічаў у будаўніцтве прамысловых аб’ектаў, інтэрнатаў, жылых дамоў, ачышчальных збудаванняў абласнога цэнтра. Асабліва вызначыўся на будаўніцтве нітачнай фабрыкі Гродзенскага прадзільна-нітачнага камбіната. Дзякуючы ўмелай арганізацыі працы брыгада Міхаіла Купы штогод перавыконвала планавыя заданні ў некалькі разоў. У 1974 г. М.М. Купа стаў заслужаным будаўніком Беларусі.

Указам Прэзідыума Вярхоўнага Савета СССР ад 7 студзеня 1975 г. за выдатныя вытворчыя поспехі, дасягнутыя ў сацыялістычным спаборніцтве за датэрміновы ўвод у эксплуатацыю першай чаргі нітачнай фабрыкі Гродзенскага прадзільна-нітачнага камбіната, Міхаілу Мікалаевічу Купе было прысвоена званне Героя Сацыялістычнай Працы з уручэннем ордэна Леніна і залатога медаля “Серп і Молат”.

Да выхаду на заслужаны адпачынак Міхаіл Купа працягваў кіраваць брыгадай будаўнічага ўпраўлення і дамагаўся найвышэйшай прадукцыйнасці працы. Быў настаўнікам моладзі, асабіста падрыхтаваў больш дзясятка вучняў. Узнагароджаны ордэнам Леніна, медалямі.

Пераклад 2021 г. матэрыялаў інтэрнэт-праекта “Герои страны”.