Нарадзілася ў Мінску ў сям’і дробных гандляроў.

Скончыла Мінскую Аляксееўскую жаночую гімназію Е. Д. Рэйман-Далматавай (1920), 3-ю Савецкую школу 2-й ступені г. Мінска (1921), сацыяльна-гістарычнае аддзяленне педагагічнага факультэта БДУ (1925). Служачая. Працоўны стаж з 1925 г. Выкладчык грамадазнаўства ў Савецкай школе 2-й ступені, м. Старобіна, Слуцкая акруга (1925–09.1930). Выкладчык гісторыі ў СШ № 31, г. Мінск (09.1930–12.1931), выкладчык 32-й школы ФЗВ г. Мінска (193?–02.1932).

Бібліятэчны стаж з 1932 г. Памочнік бібліятэкара метадычнага сектара і группы масавай работы (15.02.1932–1934), бібліёграф, малодшы навуковы супрацоўнік даведачна-бібліяграфічнага аддзела, лектар па бібліяграфіі марксістска-ленінскай літаратуры на Вышэйшых бібліятэчных курсах (1934–24.06.1941) Дзяржбібліятэкі БССР. Камандзіравана ў Навуковую бібліятэку Свярдлоўскага дзяржаўнага ўніверсітэта для вывучэння пастаноўкі краявой бібліяграфіі, г. Свярдлоўск (цяпер г. Екацерынбург) (24.06.–25.07.1941). З 08.1941 г. у эвакуацыі, г. Ташкент, Узбекская ССР. Лабарант кафедры ваенна-санітарнай падрыхтоўкі Ташкенцкага медыцынскага інстытута (01.02.1942–05.10.1943). З 10.1943 у г. Маскве. Старшы бібліятэкар філіяла для вучняў СШ пры Дзяржаўным гістарычным музеі (з 15.01.1944), старшы бібліёграф (з 10.1947), старшы рэдактар, галоўны бібліёграф (16.07.1957–25.10.1971) даведачна-бібліяграфічнага бюро навукова-бібліяграфічнага аддзела (з 1966 даведачна-бібліяграфічны аддзел) ДПГБ Расіі. На пенсіі з 25.10.1971 г.

Працы: суаўтар-складальнік бібліяграфічных прац па гісторыі рэвалюцыйнага народніцтва 70–80-х гг. XIX в.; “История СССР: аннотированный перечень русской библиографии, изданной до 1965 г.” (изд. 2-е, переработанное и дополненное. Москва, 1966; 1-е выд. выйшла пад загалоўкам “Библиография русской библиографии по истории СССР”); гісторыка-краязнаўчых і бібліяграфічных даведак у зб. “Библиотеки СССР. Опыт работы”, “Советская библиография”.

Узнагароды: медаль “За доблесную працу ў Вялікай Айчыннай вайне 1941–1945 гг.” (1946).