Кавальчук Валянціна Сцяпанаўна

Date of Birth: 24.02.1924 Орша, г., Віцебская вобласць

Date of death: 17.02.2005 Мінск, г.

Quick reference: работнік бібліятэкі, удзельнік Вялікай Айчыннай вайны, узнагароджана ордэнамі Працоўнага Чырвонага Сцяга, Айчыннай вайны ІІ ступені

Нарадзілася ў г. Орша Віцебская губ., цяпер Віцебская вобл.

Пасля заканчэння СШ прайшла курсы падрыхтоўкі медсясцёр (1941). Працавала ў Эвакуацыйным шпіталі № 10, г. Ульянаўск (студзень–май 1942).

Май – жнівень 1942 г. – курсант у Вулішчы сувязі, г. Ульянаўск. У аўтабіяграфіі ўказала, што ў маі 1942 г. дабравольцам далучылася да РСЧА. Жнівень 1942 – жнівень 1943 гг. – старшы тэлеграфіст 105-га асобнага батальёна сувязі / 105-й гв. асобнай роты сувязі, Паўночна-Заходні і Сцяпны франты. Жнівень 1943 – лістапад 1945 гг. – служба ў складзе 12-га асобнага палка сувязі, механік-тэлеграфіст, 2-гі Украінскі фронт. Малодшы сяржант. У складзе Чырвонай арміі прайшла праз тэрыторыі Румыніі, Венгрыі, Аўстрыі і Чэхаславакіі. Дэмабілізавана у лістападзе 1945 г.

Лістапад 1945 – чэрвень 1950 гг. – вучоба на філалагічным факультэце БДУ, г. Мінск. Прысвоена кваліфікацыя “Выкладчык логікі, псіхалогіі і рускай мовы”. У 1949 г. уступіла ў рады ВКП(б). Кастрычнік 1950 – жнівень 1952 гг. – вучоба ў аспірантуры БДУ, г. Мінск. Лістапад 1952 – жнівень 1953 гг. – праца настаўніцай ў СШ, в. Мікулічы, Брагінскі р-н, Гомельская вобл. Жнівень 1953 – верасень 1955 гг. – праца настаўніцай у СШ в. Буркі, Брагінскі р-н, Гомельская вобл. Лістапад 1955 – верасень 1961 гг. – праца настаўніцай, а пасля дырэктарам СШ, [пас. Ільч / Ільіч], Рагачоўскі р-н, Гомельская вобл. Верасень 1961 – снежань 1962 гг. – праца настаўніцай у СШ № 7, г. Мінск. Студзень – жнівень 1963 гг. – выкладчык у БДУ. У жніўні 1963 – верасні 1965 гг. працавала настаўніцай у 20-й Вячэрняй школе, у лістападзе 1965 – верасні 1976 гг. – настаўніцай у СШ № 89, г. Мінск. З лютага 1979 г. –на пенсіі.

26.02.1979 г. – прынята на працу (часова) ў Дзяржбібліятэку БССР на пасаду старшага рэдактара навукова-даследчага аддзела, 25.04.1979 г. звольнена. 14.06.1986–31.03.1988 гг. – галоўны бібліятэкар навукова-даследчага аддзела Дзяржбібліятэкі БССР.

Узнагароды: ордэны Працоўнага Чырвонага Сцяга (07.1971), Айчыннай вайны ІІ ст. (03.1985), медалі “За перамогу над Германіяй у Вялікай Айчыннай вайне 1941–1945 гг.” (09.05.1945), “За ўзяцце Будапешта”, “За ўзяцце Вены”, “За доблесную працу ў азнаменаванне 100-годдзя з дня нараджэння У. І. Леніна (1870–1970)” (03.1970).

Месца пахавання: г. Мінск.