З сям’і сялян. Нарадзіўся ў в. Канстанцінава, Чарэйская вол., Магілёўская губ., цяпер Чашніцкі р-н, Віцебская вобл.

У 1933 г. скончыў 7 класаў Чарэйскай школы калгаснай моладзі. 09.1933–06.1936 гг. – вучоба ў Беліцкім заатэхнікуме, Сенненскі р-н, Віцебская вобл., не завершана (няпоўныя тры курсы). Курсант курсаў загадчыкаў Дзяржтрудзберкас, г. Магілёў (07–09.1936). Загадчык зберкасы, начальнік пашпартнага стала ў райаддзеле НКУС (10.1937/15.01.1938–22.06.1941), г. Сянно. 22.06.1941 г. прызваны ў рады РСЧА Сенненскім РВК / Краснаярскім раённым ваенным камісарыятам. Старшы пісар [ОВБ] 262-га батальёна аэрадромнага абслугоўвання 13-га раёна авіяцыйнага базіравання паветранага флоту, Заходні фронт (23.06–15.11.1941). Курсант-радыст 13-га асобнага батальёна сувязі 13-га раёна авіяцыйнага базіравання (16.11.1941–15.03.1942) / курсант радыст 262-га батальёна аэрадромнага абслугоўвання (02–04.1942), Заходні фронт. Курсант паліткурсаў, г. Спаск, Разанская вобл., Заходні фронт (16.03–01.08.1942). Малодшы паліткіраўнік (званне прысвоена 08.08.1942) роты 601-га стралковага палка 82-й Чырванасцяжнай стралковай дывізіі, 29-я армія, Заходні фронт (02.08/01.09.1942 –01.01.1943), лейтэнант (11.1942). Быў кантужаны (1942). Слухач курсаў удасканалення каманднага саставу, г. Падольск, Маскоўская вобл. (02.01–15.05.1943), Заходні фронт. Старшы лейтэнант (01.05.1943), камандзір стралковай роты 601-га стралковага палка 82-й Чырванасцяжнай стралковай дывізіі, 30-армія, Заходні фронт (16.05.–01.08/20.08.1943). Быў лёгка ранены ў баях пад г. Ярцава, Смаленская вобл. Праходзіў лячэнне ў шпіталі № 4154 у г. Горкі (21.08.1943–01.01.1944). Камандзір маршавай роты 69-га запаснога стралковага палка 21-й запасной стралковай дывізіі, Кіеўская ВА, г. Кіеў, Оўруч, Корасцень, Жытомірская вобл. (01.01.1944–15.12.1945). Знаходзіўся на тэрыторыі Усходняй Прусіі і суправаджаў маршавыя роты (01.01–01.04.1945). Звольнены ў запас (20.11.1945). Член ВКП(б) з 1945 г.

Інструктар аддзела кадраў ў РК КП(б)Б, г. Сянно (01.01–01.10.1946). Вучоба ў Рэспубліканскай партыйнай школе пры ЦК КП(б)Б, г. Мінск (01.10.1946–01.09.1948). Загадчык парткабінета ў РК КП(б)Б, в. Арэхава, Віцебскі р-н, Віцебская вобл. (08.1948–09.1949).

09.1949 г. прызваны ў рады Савецкай арміі Арэхаўскім РВК. Служба ў радах арміі (да 10.1953), капітан (22.11.1950). Прапагандыст 10-га механізаванага палка 12-й механізаванай дывізіі, 5 гв. механізаваная армія, в/ч в. Цэль, Асіповіцкі р-н, Магілёўская вобл. (15.09/10.1949–24.11/12.1950). Член партыйнага бюро гэтага палка (12.1949–11.1950). Інструктар агульнаадукацыйнай афіцэрскай школы ў гарнізонным Доме афіцэраў (12.12.1950–19.01.1952), намеснік камандзіра па палітчастцы 15-й батарэі 18-й гаўбічнай артылерыйскай брыгады 6-й артылерыйскай дывізіі прарыву 4-га артылерыйскага корпуса прарыву (19.01.1952–10.1953), г. Ратэнаў, ГДР. Звольнены з арміі (24.10.1953).

Палітінструктар Міністэрства сельскай гаспадаркі, г. Мінск (10–12.1953). Старшы інспектар аддзела кадраў і навучальных устаноў Міністэрства культуры БССР, г. Мінск (12.1953–05.1957). Рабочы-шліфавальшчык Мінскага завода запасных частак (06.1957–02.1958/06.1959). Абраны Народным засядацелем ад Сталінскага р-на г. Мінска (15.12.1957). Дэлегат на гарадской партыйнай канферэнцыі, г. Мінск (01.1958).

13.02.1958–08.01.1959 – памочнік дырэктара па гаспадарчай частцы ў Дзяржбібліятэцы БССР. Загадчык склада газетна-друкарскага выдавецтва Дома друку (06.1959–01.1960). Загадчык гаспадаркі аб’яднанага цэха чыгуначнага транспарту, ст. Мінск-Паўночны (01.1960–1968?). Інжынер па забеспячэнні завода абагравальнага абсталявання (1968–?).

Узнагароды: медаль “За перамогу над Германіяй у Вялікай Айчыннай вайне 1941–1945 гг.” (09.05.1945).